తెలంగాణాలో 26 నుంచి పాఠశాలలకు దసరా సెలవులు
హైదరాబాద్ : తెలంగాణ రాష్ట్ర ప్రభుత్వం ఈ నెల 26వ తేదీ నుంచి దసరా సెలవులను ప్రకటించింది. ఈ నెల 26వ తేదీ నుంచి అక్టోబరు 8వ తేదీ వరకు ఈ సెలవులు ఇస్తున్నట్టు తెలిపింది. ఈ మేరకు అన్ని జిల్లాల కలెక్టర్లకు సర్క్యులర్‌ను జారీచేసింది.
అక్టోబరు 5వ తేదీన దసరా పండుగను దేశ వ్యాప్తంగా జరుపుకోనున్న విషయం తెల్సిందే. అందుకు పది రోజులు ముందుగానే స్కూల్స్‌కు దసరా హాలిడేస్‌ ప్రారంభంకానున్నాయి.
అయితే, ఈ నెల 25వ తేదీన, అక్టోబరు 9వ తేదీన ఆదివారాలు కావడంతో మొత్తం 15 రోజుల పాటు సెలవులు కొనసాగనున్నాయి. ఈ సెలవుల తర్వాత అక్టోబరు 10వ తేదీన స్కూల్స్ తిరిగి పునఃప్రారంభంకానున్నాయి.
